“Ukraynaya tank göndərilməsi NATO ilə Rusiya arasında müharibəyə gətirib çıxara bilər “.
Bugün.tv xəbər verir ki, bunu “The New York Times” qəzetinə müsahibə verən Almaniya kansleri Olaf Şolts deyib.
“Biz Ukraynanı dəstəkləyirik. Lakin bu dəstəyi eskalasiyaya, NATO ilə Rusiya arasında müharibəyə gətirib çıxarmayacaq şəkildə edirik, çünki bu, fəlakət olardı”, – Şolts bildirib.
Xatırladaq ki, son həftələrdə Almaniya Ukrayna və bir sıra NATO ölkələrinin nümayəndələri tərəfindən Kiyevə hücum əməliyyatları üçün lazım olan tankları və piyada döyüş maşınlarını göndərmədiyinə görə sərt şəkildə tənqid olunub.