Bugun.tv xəbər verir ki, İsrail ordusu işğal altındakı İordan çayının qərb sahilindəki Birzeit Universitetinə basqın edərək çoxlu tələbəni saxlayıb.
Birzeit Universitetindən verilən yazılı açıqlamada, “İşğal ordusundan böyük bir birlik səhər çağı universitet şəhərciyinə basqın edərək, çoxlu tələbəni saxlayıb və universitetin əmlakına ziyan vurub”, – deyib.
Şahidlərin bildirdiyinə görə, hadisə zamanı universitetin ətrafında 20-yə yaxın İsrail hərbi maşını olub.
İsrail qüvvələrinin İordan çayının qərb sahilindəki Nur Şəms Qaçqınlar Düşərgəsinə təşkil etdiyi basqında 2 fələstinli şəhid olub, bir İsrail əsgəri yaralanıb.