Aİ Komissiyasının sədri Ursula fon der Leyen Ukraynaya dəstəyin vacibliyini vurğulayaraq sülhə nail olmağın yalnız güc yolu ilə mümkün olduğunu və bu prosesin ABŞ-ın da maraqlarına xidmət edəcəyini bildirib.
Brüsseldə keçirilən Avropa İttifaqı (Aİ) Liderlər Sammitində çıxış edən Aİ Komissiyasının sədri Ursula fon der Leyen Ukraynanın müdafiə qabiliyyətinin artırılmasının zəruriliyini dilə gətirib.
Leyen açıqlamasında Ukraynada sülhün ABŞ-ın da marağında olduğunu bildirib.
Leyen deyib: “Ukraynada güc yolu ilə sülhə nail olmaq həm də Trampın marağındadır. Tramp buna nail olmaq istəsə, bu, yalnız Aİ və üzv ölkələrin dəstəyi ilə mümkün olacaq. Çünki ilkin şərtlər yerinə yetirilməlidir”.
Məsələn, Ukraynanın 2025-ci ilə qədər iqtisadi sağ qalmasını təmin edən biz olduq. İndi biz Ukraynanın müdafiə sənayesinə sərmayə qoyan və Ukraynanın ehtiyac duyduğu hərbi imkanları təmin edən bizik. Ukraynada enerji sisteminin qışdan sağ çıxmasını təmin edən bizik.
Enerji sisteminə 1,8 giqavat enerji verdik. Bu, qışdan sağ çıxmağa imkan verdi. Sülhün güc yolu ilə əldə edilməsində Avropa dəstəyinin nə qədər vacib olduğunu göstərən çoxlu misallar var. “Bu, hamının marağındadır” deyib.
Mənbə: Xəbər Agentliyi