Bugun.tv xəbər verir ki, son zamanlar uşaqlarda nitq ləngiməsi olur. Təəssüf ki, bəzi valideynlər həkim məsləhəti olmadan dərman preparatları verirlər.
Tanınmış həkim-pediatr Lalə Hüseynova uşaqlarda nitq ləngiməsinin səbəblərini açıqladı.
“Əsas faktorlardan biri ailəvi faktordur. Valideynlərin daha çox iş həyatı olduğuna görə, uşaqların da evdə tək olub, telefon və televizorla daha çox vaxt keçirdiyinə görə uşaqlarda nitq inkişafı ləngiyir. Çünki, söz ehtiyatını artıracaq başqa səbəbləri yoxdur. Əgər 2 yaşa qədər bu problemi bilmiriksə, 2 yaşdan sonra uşaqların baxçalarda daha çox vaxt keçirməsi böyük avantajdır. Ağızda olan problemlər və şüşəli əmziklərlə vaxt keçirmələri uşaqların nitq inkişafının ləngiməsinə gətirib çıxarır. Digər səbəb isə sinir sistemi ilə bağlıdır. Bəzi uşaqlar özünə qapalı olur. Valideynlərlə və ya baxçada uşaqlarla ünsiyyətə girmək istəmir. Belə olduqda psixoloji mərkəzlərə getmək lazımdır “, – L.Hüseynova bildirib.
Sonda həkim-pediatr belə problemlər olduqda həkimə müraciət edərək düzgün istiqamətdə müalicə almağı məsləhət görüb.
Müxbir: İntizar Əmirova