Cari ayın 13-dən 16-dək Macarıstanın Şopron şəhərində yeniyetmələr arasında keçirilən üzgüçülük üzrə beynəlxalq turnirdə Azərbaycanın milli komandası yarışı yüksək nəticələrlə başa vurublar.
Bugun.tv-nin Gənclər və İdman Nazirliyindən əldə etdiyi məlumata əsasən, Azərbaycan üzgüçülərindən Məryəm Cavadova (3 qızıl, 1 gümüş medal), Oqtay Hüseynov (2 qızıl, 1 gümüş, 1 bürünc medal), Amin Orujli (1 qızıl medal), Fərhad Şirməmmədli (1 qızıl, 2 gümüş, 1 bürünc medal), Xumar Mustafayeva (1 qızıl, 1 bürünc medal), Daniyal Muhəmməd (2 qızıl medal), Anastasiya Boborkina (1 qızıl, 1 bürünc medal), Əbdürrəhman Rüstəmov (2 qızıl, 2 gümüş, 1 bürünc), Timur Beker (1 qızıl, 1 bürünc), Mehri Abdürrəhmanlı (1 gümüş medal), Vlastina Xasyanova (1 gümüş, 1 bürünc medal), Orxan Əliyev, Sura Katerina və Ramal Sadıqlı (hər biri bürünc medal) qazanıblar.
Qeyd edək ki, turnirdə Azərbaycanla yanaşı Almaniya, Fransa, Macarıstan, Slovakiya və Xorvatiya təmsilçiləri də mübarizə aparıblar.