“Füzuli rayonunda 427 fərdi yaşayış evi hazırda qəzalı vəziyyətdədir. Həmin evlər Birinci Qarabağ Müharibəsi zamanı ziyan görüblər və onlar daha sonra qismən təmir olunsalar da, əsaslı təmirə ehtiyac var. Bu məsələ ilə bağlı Füzuli rayonunda keçirdiyimiz görüşlərdə bizə mütəmadi müraciətlər daxil olur. Milli Məclisinin dünənki iclasında 2022-ci il Nazirlər Kabinetinin fəaliyyətinə dair hesabatla bağlı çıxışım zamanı həmin evlərin əsaslı təmirinə dəstək olunmasını Baş Nazirdən xahiş etdim. Ümid edirik ki, bu istiqamətdə daha qısa zamanda addımlar atılacaq”.
Bugun.tv xəbər verir ki, bunu Milli Məclisin deputatı Vüqar Bayramov öz Facebook hesabındakı paylaşımında qeyd edib.
“Eyni zamanda, Füzuli rayonunun qəsəbələrində də içməli su problemi də var. Qaydış və Zobcuq qəsəbələrində bu problemlərin qısa zamanda həlli daha aktualdır. Hökumətdən bu məsələyə dəstək olmasını istədim”,- deputat bildirib.