Bugun.tv olaraq hər zaman Azərbaycanın istedadlı gənclərinin tanıdılmasında maraqlıyıq. “Onları siz də tanıyın” rubrikasının qonağı bu dəfə Çin Döyüş Növləri Assosiasiyasının nəzdində fəaliyyət göstərən Azərbaycan Vinq Çun Federasiyasının15 yaşlı üzvü Süleyman İsmayılovdur.
Onu yaxından tanıyaq:
“Mən, Süleyman İsmayılov. 15 yaşım var. 3 ildir ki, Vinq Çun idman növü ilə məşğulam. Az müddət olsa belə, uğurlarım çoxdur. Honkoqda keçirilən dünya çempionatında ikinci yeri qazanmışam. Bu yaxınlarda keçirilən Respublika Çempionatında öz gücümü göstərərək çempion oldum”.
“Keçən 3 il ərzində yeni-yeni döyüş taktikaları mənimsədim. Bu idman növü mənə özünümüdafiə ilə yanaşı özünə güvən hissini də aşıladı. Bu yarışlara qatılaraq özümü inkişaf etdirdim. İndiki dövürdə səbrli olmaq çox çətindir, burada mənə səbrli olmağı da öyrətdilər. Gənclərə tövsiyə edirəm ki, Vinq Çun döyüş sənəti ilə məşğul olsunlar. Burada yalnız döyüşmək deyil, səmim olmaq, əsəbləşməmək də öyədilır. Onu da deyim ki, mənim gələcəkdə arzum hüquq-mühafizə orqanlarında çalışmaqdır. Biz bilirik ki, hər bir polisin öz döyüş üsulları var. Mənim də sevdiyim döyüş növü Vinq Çundur.”
“Mən bu idman növünü öyrənənədək çox çalışmışam, əziyyət çəkmişəm, ancaq bu gün nəticəm gözəldir. Düşünürəm ki, gələcəkdə bu idman növü mənə hansısa cinayətkarı zərərsizləşdirməkdə də çox kömək olacaq”.
Bugun.tv olaraq, biz də idmançımıza gələcək karyerasında uğurlar diləyirik!