Bugun.tv xəbər verir ki, Britaniyanın “Virgin Orbit” şirkəti iflasa uğradığını elan edib.
“Qabaqcıl innovasiya ruhuna, eləcə də bu çətin dövrdə səbr və peşəkarlıqlarına görə komandamızın hər bir üzvünə inanılmaz dərəcədə minnətdaram”.
Bunu “Virgin Orbit”in Baş İcraçı Direktoru Den Hart deyib.
Qeyd edək ki, şirkət ötən həftə 750 nəfəri işdən çıxarmaq qərarına gəldiyini açıqlamışdı. Bu rəqəm, kompaniyanın işçilərinin 85%-ni təşkil edir.
“Virgin Orbit” ötən ilin sentyabrında 243 milyon dollar aktiv və 135 milyon dollar kredit borcu olduğunu bildirmişdi.
Şirkətin yanvar ayında İngiltərədən buraxılan ilk peyk raketi “LouncherOne” uğursuzluğa düçar olub.
Forbes-in siyahısına görə, “Virgin Orbit”in qurucusu və sahibi Riçard Bransonun ümumi sərvəti təxminən 3 milyard dollardır.