Rusiya prezidenti Vladimir Putin özbəkistanlı həmkarı Şavkat Mirziyoyev ilə telefon danışığı aparıb.
Bugun.tv xəbər verir ki, bu barədə rəsmi Kreml məlumat yayıb.
Liderlər ikitərəfli münasibətlərin əsas məsələlərini, o cümlədən ticarət və iqtisadiyyat sahəsində qarşılıqlı faydalı əməkdaşlığın genişləndirilməsi tədbirlərini müzakirə ediblər.
Tərəflər həmçinin, Rusiya ilə Özbəkistan arasında strateji tərəfdaşlığın və müttəfiqliyin daha da hərtərəfli möhkəmləndirilməsində qarşılıqlı marağı təsdiqləyiblər.
Liderlər müxtəlif səviyyələrdə təmasları davam etdirmək barədə razılığa gəliblər.
Özbəkistan liderinin mətbuat xidməti bildirib ki, Mirziyoyev və Putin telefon danışığında aprelin sonunda Daşkənddə keçiriləcək “İnnoprom” sərgisini və digər iqtisadi əməkdaşlıq məsələlərini müzakirə ediblər.
Mənbə: TASS