Bugun.tv-yə daxil olan məlumata görə, Dövlət Sərhəd Xidmətinin hərbi hissə və bölmələrində müstəqil Azərbaycan dövlətinin banisi, Ümummilli lider Heydər Əliyevin 100 illik yubileyi münasibətilə tədbirlər davam etdirilir.
Belə ki, Dövlət Sərhəd Xidmətinin Akademiyasında, Azərbaycan Respublikasının Dövlət Himninin səsləndirilməsi ilə başlayan tədbirdə əvvəlcə Ulu Öndər Heydər Əliyevin və ərazi bütövlüyümüz uğrunda canlarını fəda etmiş şəhidlərimizin əziz xatirəsi bir dəqiqəlik sükutla yad edilib.
Çıxış edənlər Ulu Öndər Heydər Əliyevin çoxşaxəli fəaliyyətindən, Azərbaycanın inkişafı və milli dövlətçiliyin gücləndirilməsi istiqamətində misilsiz tarixi xidmətlərindən, böyük xilaskarlıq missiyasından danışıblar.
Keçirilən tədbirdə Xətai rayon “Mədəniyyət mərkəzinin” özfəaliyyət dərnəyinin kollektivi və incəsənət nümayəndələri şəxsi heyət qarşısında əyləncəli musiqi nömrələri ilə çıxış ediblər.
Mənbə: Dövlət Sərhəd Xidmətinin Mətbuat Mərkəzi
