Bugün.tv xəbər verir ki, aramsız yağan yağışlar nəticəsində Xaçın çayından gələn güclü sel suları rayonun Hüsənli kəndində 35 hektar pambıq, 25 hektar yonca, 40 hektar arpa və buğda, ümumilikdə 100 hektar əkin sahəsinə ciddi ziyan vurub.
Tərtər Rayon icra hakimiyyətinin başçısı Müstəqim Məmmədov rayon Fövqəladə hallar komissiyasının üzvləri ilə birlikdə həmin ərazidə olub.
Xüsusi texnikalar vasitəsilə müxtəlif istiqamətlərdə kanallar açılıb və sel sularının yenidən Xaçın çayına axıdılması təmin edilib. Hazırda sel suları əkin sahələrindən kənarlaşdırılır.
