İranın ali dini lideri Müctəba Xamenei ABŞ və İsrailin ölkədə hakimiyyətin devriləcəyinə dair gözləntilərinin yanlış olduğunu bildirib.
O, sosial şəbəkədə paylaşımında qeyd edib ki, 2025-ci ildə baş verən münaqişə zamanı qarşı tərəf ciddi hesab səhvi edib.
“Xalq rejimi devirmədi”
Xameneinin sözlərinə görə, ABŞ və İsrail qısa müddətdə İran xalqının hakimiyyətə qarşı çıxacağını düşünürdü:
“Düşmən elə hesab edirdi ki, bir-iki gün ərzində xalq rejimi devriləcək. Lakin xalqın sayıqlığı və hərbçilərin fədakarlığı nəticəsində bu plan baş tutmadı”.
O əlavə edib ki, nəticədə qarşı tərəf geri çəkilməyə və vasitəçi axtarmağa məcbur olub.
Münaqişə və mümkün ssenarilər
Ekspertlər hesab edir ki, İran münaqişəni uzatmağa çalışaraq ABŞ və İsraili öz şərtlərinə uyğun sülhə razı salmaq istəyir.
Bu arada, The Guardian nəşri bölgədə təşəbbüsün müəyyən mənada İranın əlinə keçdiyini yazıb. Məlumata görə, Tehran Hörmüz boğazı üzərində nəzarəti gücləndirməklə enerji marşrutlarına təsir göstərib.
Trampdan xəbərdarlıq
ABŞ Prezidenti Donald Trump isə Hörmüz boğazı ilə neft daşımalarından asılı olan ölkələrə çağırış edərək bu marşrutun təhlükəsizliyinin təmin olunmasını istəyib.
O, həmçinin NATO-nun bu məsələdə dəstək verməməsi halında alyansı “pis gələcək” gözlədiyi ilə bağlı xəbərdar edib.
Mənbə: mail.ru