Bugun.tv xəbər verir ki, Yaponiyanın Okinava əyalətinə yaxınlaşan “Xanın” qasırğası səbəbindən ən azı 420 reys təxirə salındığından ən azı 50 min sərnişin zərər çəkib. Naha və Miyako hava limanlarının terminallarının müvəqqəti bağlandığı açıqlansa da, Okinava əyalətində bir çox avtobus səfərləri gün ərzində dayandırılıb. Onun sürətinin saatda 216 kilometrə çatacağı gözlənilir. Yerli hakimiyyət orqanları daşqın və sürüşmə, eləcə də güclü külək nəticəsində tikililərin zədələnməsinə hazır olmağa çağırıb.
Müxbir: Şəms Elnurqızı