Bugun.tv-yə DİN-in Mətbuat Xidmətinin Gəncə regional qrupundan verilən məlumata görə, Xocalı Rayon Polis Şöbəsinin daxil olan məlumat əsasında keçirdikləri əməliyyat-axtarış tədbirləri nəticəsində 4 ədəd “F1”, 1 ədəd “RQ42″, 1 ədəd ” RQ5″ əl qumbaraları, 3 ədəd qumbara alışdırcısı, 74 ədəd 5.45 mm-lik, 3 ədəd 7.62 mm-lik avtomat patronu, 9 ədəd 7.62 mm-lik pulemyot patronu və 1 ədəd avtomat darağı aşkar edilərək götürülüb.
Məlumata görə baxış Goranboy rayon Aşağı Ağcakənd qəsəbəsində yerləşən fermada keçirilib və Xocalı rayon sakini, Mətləb Məmmədov saxlanılıb.
Götürülən maddi sübutlar müvafiq ekspertizaya təqdim edilib, faktla bağlı Xocalı Rayon Polis Şöbəsində araşdırmalar davam etdirilir.