Xocalı polisi qurban bayramı ilə əlaqədar rayonda yaşayan Vətən müharibəsi şəhidlərini, qaziləri və aztəminatlı ailələri ziyarət ediblər.
Bu barədə Bugun.tv-yə DİN-in mətbuat xidmətinin Gəncə regional qrupundan məlumat verilib.
Bildirilib ki, ziyarət zamanı şəhidlərin əziz xatirəsi yad edilib, onların qəhrəmanlıqlarından söhbət açılıb. Gətirilən bayram sovqatları ailələrə təqdim olunub və polislər bayram münasibətilə onları təbrik ediblər.
Şəhidlərimizin ailə üzvləri də göstərilən diqqət və qayğıya görə, asayiş keşikçilərinə öz minnətdarlıqlarını bildiriblər.