Slavonski Brod yaxınlığındakı Sava çayında miqrant qayığının çevrilməsi nəticəsində üç nəfər ölüb. Hadisə paytaxt Zaqrebdən təxminən 200 kilometr cənub-şərqdə baş verib.
İlkin qiymətləndirmələrə görə, qayıq miqrantların qanunsuz keçidini asanlaşdırmaq üçün gecə saatlarından istifadə edərək Bosniya sahillərindən Xorvatiya sahillərinə doğru yola düşüb. Lakin hələ də məlum olmayan səbəblərdən qayıq çayda aşıb və 14 sərnişindən üçünün həyatını itirib.
Qayıq aşanda bir kişi dərhal ölüb, iki qadın isə aldıqları xəsarətlərdən sonra dünyasını dəyişib.
Səhər saat 5:00 radələrində polis, dağ axtarış-xilasetmə qrupları və yanğınsöndürmə xidməti xəbərdar edilib. Hadisə yerinə tez bir zamanda gələn qruplar 11 nəfəri sudan xilas ediblər. Xilas edilənlər arasında keçidi təşkil edən Bosniya vətəndaşı da var idi.
Bütün sağ qalanlara tibbi yardım göstərilib və onların şəxsiyyətləri müəyyən edilib. Qayıqda təşkilatçı, 12 Çin vətəndaşı və bir türk əsilli şəxsin olduğu bildirilib. Xorvatiya polisinin açıqlamasına görə, xilasetmə əməliyyatı bir neçə saat davam edib. 11 sağ qalan hipotermiya diaqnozu ilə Slavonski Brod Xəstəxanasına aparılıb.
Mənbə: HaberGlobal