Yəmən Ənsarullah Hərəkatı Qırmızı dəniz və Oman dənizində 2 gəmi və bir ABŞ esminesini raketlər və pilotsuz uçuş aparatları ilə vurduqlarını açıqlayıb.
Yəmən Ənsarullah Hərəkatı Silahlı Qüvvələrinin sözçüsü Yəhya Seri, “Qırmızı dəniz və Oman dənizində 3 hərbi əməliyyat keçiriblər” deyib.
Seri, Qırmızı dənizdə ABŞ esminesinin ballistik raketlərlə, “Kapitan Paris” adlı gəminin isə dəniz raketləri ilə hədəf alındığını, Ərəb dənizində isə “Happy Condor” adlı gəminin İHA-larla vurulduğunu bildirib.
Seri bildirib ki, Qəzza zolağına hücumlar bitənə və bölgədəki blokada qaldırılana qədər hücumlar davam edəcək.
Mənbə: İLKHA