Bugun.tv xəbər verir ki, Hindistanın Naqaland əyalətində yamacdan düşən qayalar avtomobilləri əzib. Hadisə nəticəsində 2 nəfər ölüb, 3 nəfər yaralanıb.
Belə ki, Hindistanın Naqaland əyalətində Dimapur və Kohima arasındakı yolda hərəkətdə olan 3 avtomobil yamacdan düşən qayaların altında qalıb.
Yerli vaxtla saat 17.00 radələrində baş verən qəzada 2 nəfər həyatını itirib, 3 nəfər yaralanıb.
Səlahiyyətlilər qəzadan sonra magistral yollardakı təhlükəsizlik infrastrukturunun nəzərdən keçiriləcəyini və lazımi addımların atılacağını açıqlayıb.
Qəzanın baş verdiyi yolda sürüşmə və qaya uçqunlarının tez-tez baş verdiyi bildirilib.
Mənbə: TRT Haber