Yunanıstanda yanğınsöndürən təyyarə qəzaya uğrayıb. Bugun.tv xəbər verir ki, bu barədə ölkə mətbuatı məlumat yayıb.
Belə ki, Yunanıstan Rodos və Korfu adaları ilə yanaşı, Mərkəzi Yunanıstanın Eğriboz bölgəsində yerləşən Karistosda da alovla mübarizə aparır. Söndürmə işlərinə qatılan təyyarə radarlardan itib. Onun qəzaya uğradığı məlum olub. Yunan mətbuatının məlumatına görə, bölgədə güclü partlayış səsi eşidilib.
Qəza yerinə polis və yanğınsöndürənlər cəlb edilib.
Yunanıstana məxsus təyyarədə 2 pilotun olduğu bildirilib. Onlar barədə hələlik məlumat yoxdur.
Mənbə: TRT haber