Yaponiyanın yeni Baş naziri Sanae Takaiçi gündə yalnız iki saat, maksimum dörd saat yatdığını açıqlayıb. Bu açıqlama ölkədə ajiotaj yaradıb. İnsanlar Takaiçini “həddindən artıq işləməyə təşviq etməkdə” günahlandırdılar.
Yaponiyanın Baş naziri Sanae Takaiçi qanunvericilik komitəsinin iclasında həddindən artıq işdən danışarkən “yuxu vaxtı” ilə bağlı dediyi sözlərə görə tənqid olunub. Gündəlik rejimi ilə bağlı suala cavab olaraq Baş nazir Takaiçi deyib: “Hazırda təxminən iki saat, maksimum dörd saat yatıram. Düşünürəm ki, bu, dərim üçün zərərlidir”.
Takaiçi, iqtisadi artımı stimullaşdırmaq üçün əlavə iş saatları limitinin uzadılması planları ilə bağlı suala cavab olaraq, işçilərin və işəgötürənlərin fərqli ehtiyacları olduğunu vurğulayıb. O, potensial dəyişikliklərin işçilərin sağlamlığını qoruyacağını vurğuladı. “Əgər biz həqiqətən də insanların uşaq baxımı və digər məsuliyyətləri öz üstünlüklərinə uyğun olaraq tarazlaşdıra biləcəyi, həmçinin işləyə, boş vaxtlarından həzz ala və dincələ biləcəyi bir mühit yarada bilsəydik”, – deyə o bildirib.
Keçən ay Yaponiyanın ilk qadın baş naziri seçildikdən sonra Takaiçi bəyan etdi: “İş-həyat balansı anlayışını özüm üçün bir kənara qoyacağam. Çalışacağam, işləyəcəyəm, işləyəcəyəm, işləyəcəyəm və işləyəcəyəm”. Keçən həftə onun parlament iclasına hazırlıq üçün səhər saat 3:00-da işçiləri ilə görüş keçirdiyi məlum oldu.Bu səbəbdən, Takaiçinin son açıqlamaları Yaponiyada həddindən artıq əməyi təşviq etdiyinə görə tənqidlərə səbəb olub. Yaponiyada “karoşi” anlayışı gərgin iş nəticəsində ölümü ifadə edir.
Mənbə: Tgrthaber