Yaponiyanın xarici işlər naziri İvaya Takeşi bu ay keçiriləcək Birləşmiş Millətlər Təşkilatının (BMT) Baş Assambleyasında Fələstin dövlətini tanımayacaqlarını açıqlayıb.
İsrailin Qəzzaya qarşı zorakılığına qlobal reaksiyalar artdıqca, bir çox ölkə Fələstin Dövlətini tanımaq qərarına gəlib.
Digər tərəfdən, bəzi ölkələr bu məsələdə tərəddüd edib və Yaponiyanın da onlardan biri olduğu bildirilir.
İsrail Xarici İşlər Nazirliyi yazılı açıqlamada xarici işlər naziri Gideon Saarın yaponiyalı həmkarı İvaya Takeşi ilə telefonla danışdığını bildirib.
Söhbət zamanı İvaya Saar-a deyib ki, Yaponiya BMT-nin bu ay keçiriləcək iclasında Fələstin dövlətini tanımağı planlaşdırmır.
BU AYDA BİR ÇOX ÖLKƏLƏRİN RƏSMİ ADDIMLAR ATMASI GÖZLƏNİR
Böyük Britaniya, Fransa və Kanada da daxil olmaqla bir neçə ölkə BMT-nin bu ay keçiriləcək Baş Assambleyasında Fələstin Dövlətini tanımaq planlarını açıqlayıb.
Bu ölkələrin qərarından sonra Fələstin Dövlətini rəsmən tanımayan Yaponiyanın mövqeyi narahatlıq doğurub.
Yapon mediası ABŞ-ın Tokioya Fələstin dövlətini tanımamaq üçün təzyiq etdiyini bildirib.
Mənbə: EnSonHaber