Bugun.tv xəbər verir ki, Yasamal RPİ 29-cu Polis Şöbəsi əməkdaşlarının keçirdikləri əməliyyat tədbiri nəticəsində oğurluq edən iki şəxsi saxlayıb.
Onlardan biri iki evdən ümumilikdə 5 ədəd mobil telefon oğurlamaqda şübhəli bilinən Şamaxı rayon sakini, əvvəllər məhkum olunmuş Zaur Səmədovdur.
Polis əməkdaşlarının keçirdikləri digər əməliyyat zamanı isə A.Şahmurovun 560 manat dəyərində lotereyasını oğurlamaqda şübhəli bilinən paytaxt sakini, əvvəllər məhkum olunmuş Vüsal Abbasov yaxalanıb.
Hər iki faktla bağlı araşdırma aparılır.