Meksikanın cənubunda Qvatemala ilə sərhəddə yerləşən Çyapas ştatının Tapaçula şəhərini tərk edən 7 mindən çox mühacir ölkənin şimalına – ABŞ sərhədinə doğru hərəkət etməyə başlayıb.
Bugun.tv “La Jornada” qəzetinə istinadla xəbər verir ki, mühacir dəstəsi Braziliya, Venesuela, Haiti, Qvatemala, Honduras, Dominikan Respublikası, Kolumbiya, Kuba, Nikaraqua, Peru, Salvador və Ekvador vətəndaşlarından ibarətdir. Həmçinin onların arasında Banqladeş, Hindistan, Çin və Pakistan vətəndaşları da var.
Qeyd edək ki, Meksika Milli Miqrasiya İnstitutu sentyabr ayından etibarən digər ölkə vətəndaşlarının mühacirlik müraciətlərinə baxılmasını dayandırıb.
Xarici medianın məlumatına görə, ABŞ administrasiyasının yüksək vəzifəli nümayəndələri Meksikaya gedərək Prezident Andres Manuel Lopes Obradorla miqrasiya böhranının həlli yollarını müzakirə etməyi planlaşdırır. Nümayəndə heyətinə Birləşmiş Ştatların dövlət katibi Entoni Blinken, daxili təhlükəsizlik naziri Alexandro Mayorkas və Ağ evin daxili təhlükəsizlik üzrə müşaviri Elizabet Şervud-Rendallın daxil olacağı gözlənilir.
Miqrasiya probleminin həlli ABŞ administrasiyasına sərhədlərin mühafizəsini Ukraynaya yardım üçün əlavə büdcə ayırmaları ilə əlaqələndirən Konqresindəki respublikaçıların tələblərini təmin etmək baxımından lazımdır.