Bugun.tv xəbər verir ki, alimlər Hindistanda ağacdan ağaca uçan və gülən yeni kərtənkələ növünü kəşf ediblər. Belə ki, tədqiqatçılar Hindistanın şimal-şərqində gekkon populyasiyalarını araşdırarkən iri gözlü, gülümsəyən sürünənlər görüblər. Bu canlının elmi adı Gekko Mizoramensisdir. Amma elm adamları mini kərtənkələləri ağacdan ağaca sürüşmək vərdişlərinə görə “paraşüt kərtənkələləri” adlandırıblar.
Heyvanlar havada sürüşmək üçün bədənlərinin və quyruqlarının yanındakı dəri üzgəclərindən istifadə edirlər. Onlar Banqladeş, Myanma, Tayland və Kambocada yaşayırlar. Lakin tədqiqatçılar yeni növləri ilk dəfə Hindistanda görüblər.
Bu kərtənkələnin yerdən təxminən 150-360 santimetr yüksəklikdə olduğunu müəyyən edilib. Araşdırmaya görə, o ən çox alaqaranlıqda ortaya çıxır və tarakan, güvə kimi həşəratlarla qidalanır.
Mənbə: Nature