Yeni Zelandiyanın bəzi bölgələrində, o cümlədən ikinci böyük şəhəri Kraystçörçdə güclü külək səbəbindən fövqəladə vəziyyət elan edilib.
Yeni Zelandiyada güclü yağış və külək gündəlik həyata mənfi təsir edib. Ölkənin ikinci böyük şəhəri Kraystçörç də daxil olmaqla bəzi bölgələrdə fövqəladə vəziyyət elan edilib.
Paytaxt Vellinqtonda sürəti saatda 120 kilometrə çatan küləklər və aramsız yağıntılar səbəbilə bəzi ərazilərdə daşqın yaşanıb və məktəblər bağlanıb. Vellinqton hava limanında çoxsaylı reyslər ləğv edilib, əlverişsiz hava şəraiti səbəbindən şəhər üzrə bəzi bərə reysləri də dayandırılıb.
Səlahiyyətlilər əlverişsiz hava şəraitinin daha bir neçə gün davam edə biləcəyi barədə xəbərdarlıq edib və insanları evdə qalmağa çağırıb.
Yerli fövqəladə hallar qrupları xüsusilə sahilyanı ərazilərdə küləyin güclənə biləcəyini bildirib. Meteoroloji xidmət küləklərin ağacların aşmasına və elektrik enerjisinin kəsilməsinə səbəb ola biləcəyini qeyd edib.
Mənbə: HurriYet