Avstraliyalı tədqiqatçılar Yerin təxminən 466 milyon il əvvəl Saturnun halqa sisteminə malik ola biləcəyini aşkar ediblər.
Avstraliyanın Monaş Universitetində aparılan araşdırmada Yerin keçmişini araşdırmaq üçün meteor kraterləri araşdırılıb.
Tədqiqat, təxminən 466 milyon il əvvəl böyük bir asteroidin Yerin sərhədlərindən keçərkən gelgit gücünə görə parçalanaraq Saturn kimi planetin ətrafında bir halqa sistemi meydana gətirə biləcəyini ifadə etdi.
Bu halqanın Yer üzündə kölgə yaradaraq günəş işığının qarşısını kəsmiş ola biləcəyi və bunun qlobal soyutmaya səbəb ola biləcəyi ifadə edildi.
Monaş Universitetinin Yer, Atmosfer və Ətraf Mühit Fakültəsindən tədqiqatın aparıcı müəllifi, professor Endi Tomkins verdiyi açıqlamada bu halqadan əldə edilən materialın “milyonlarla il” ərzində yavaş-yavaş Yerə düşdüyünü və müşahidə edilən meteorit zərbələrində qəfil artım olduğunu söylədi.
“Bu tapıntını daha da maraqlı edən belə bir halqa sisteminin potensial iqlim təsirləridir. Halqa sisteminin qlobal temperaturlara təsir göstərə biləcəyi fikri yerdənkənar hadisələrin Yer kürəsinin iqlimini necə formalaşdırdığına dair anlayışımıza yeni mürəkkəblik əlavə edir”, – Tomkins bildirib.
Araşdırma “Earth and Planetary Science Letters” jurnalında dərc olunub.
Mənbə: TrtHaber