Bərdədə yol-nəqliyyat hadisəsi zamanı həlak olan bir ailənin 4 üzvü dəfn olunub.
Bugun.tv-nin xəbərinə görə, ailə üzvləri – Məhərrəm Baxşəliyev, həyat yoldaşı Xalidə Kərəmova, övladları İlkin Baxşəliyev və Məftunə Baxşəliyeva bu gün torpağa tapşırılıblar.
Qəza zamanı xəsarət alan ailənin kiçik övladı Fəridə Baxşəliyeva xəstəxanaya yerləşdirilib.
Xatırladaq ki, qəza dünən Bərdə rayonu Kətəlparaq kəndi yaxınlığında baş verib.
“VAZ 2121” (“Niva”) və “Mercedes Benz” markalı avtomobillərin toqquşması nəticəsində 5 nəfər – Quliyev Ceyhun Arif oğlu (35 yaş), Baxşəliyev İlkin Məhərrəm oğlu (28 yaş), Kərəmova Xalidə İsa qızı (51 yaş), Baxşəliyev Məhərrəm Nüsrət oğlu (55 yaş), Baxşəliyeva Məftunə Məhərrəm qızı (25 yaş) ölüb.
22 yaşlı Baxşəliyeva Fəridə Məhərrəm qızı müxtəlif bədən xəsarətləri alaraq Bərdə Rayon Diaqnostika Mərkəzinə yerləşdirilib.