Bugun.tv xəbər verir ki, İsrail polisinin himayəsi altında olan fanatik yəhudilər “Yom Kippur bayramı” bəhanəsi ilə işğal altındakı Şərqi Qüdsdə Məscidül-Əqsaya basqın ediblər.
Qüds İslam Vəqfləri İdarəsi səhər saatlarından etibarən 317 fanatik yəhudinin qruplar halında İsrail polisinin himayəsi altında Məscidül-Əqsaya basqın etdiyini açıqlayıb.
Şahidlərin sözlərinə görə, İsrail polisi basqın zamanı Şərqi Qüdsün Köhnə şəhərində nəzarət-buraxılış məntəqələri qurub və fələstinlilərin Məscidül-Əqsaya daxil olmasına icazə verməyib.
Təəssübkeş yəhudilərdən bəziləri də Məscidül-Əqsanın qapıları qarşısında mərasim keçiriblər.
İsraildə milyonlarla yəhudi yəhudilər üçün ən müqəddəs dini bayram olan və “Kəffarə günü” mənasını verən “Yom Kippur”u sentyabrın 24-25-də qeyd edir.
Yəhudi köçkünlər dini bayramlar zamanı Əl-Əqsa məscidinə basqınlarını artırırlar.