Bugun.tv xəbər verir ki, baxış sayını artırmaq üçün təyyarəni qəsdən vuran YouTuber qəza yerini də təmizləyib.
29 yaşlı Trevor Jacob (Ceykob) təyyarə qəzasının videosunu 2021-ci ilin dekabrında YouTube-da yerləşdirərək bunun qəza olduğunu deyib. Onun yerləşdirdiyi video bu günə kimi 3 milyona yaxın baxış toplayıb.
2021-ci ilin noyabrında Ceykob təyyarəsinə quraşdırılmış kameralarla Kaliforniyanın Santa Barbara hava limanından tək başına uçub. Cənab Ceykob kameralardan başqa özü ilə paraşüt və selfi çubuğu da götürüb. Təyyarəni havaya qalxdıqdan 35 dəqiqə sonra Los Padres Milli Meşəsində qəsdən qəzaya uğradıb.
O 20 ilə qədər həbs cəzası ala bilər. Çünki, ABŞ-ın Kaliforniya Mərkəzi Dairə Prokurorluğu onun həmçinin federal təhqiqata mane olmaqda təqsirli bilir.
Mənbə: TRThaber