Sultanbəylidə yük maşını ilə minik avtomobili toqquşub. Qəza nəticəsində biri hadisə yerində, digəri xəstəxanada olmaqla 2 nəfər ölüb, 4 nəfər xəsarət alıb. Yaralılar xəstəxanaya aparılaraq müalicə olunarkən, qəza ilə bağlı araşdırma başladılıb.
İstanbulun Sultanbəyli rayonunda yük maşını ilə minik avtomobilinin toqquşması nəticəsində həyatını itirənlərdən biri sürücüdür.
Bugun.tv xəbər verir ki, Haberler.com–un məlumatına görə Akşemsettin məhəlləsi, Atatürk küçəsində saat 07:00 radələrində baş verən hadisədə Sultanbəyli istiqamətində hərəkətdə olan Nadir Akıntının idarə etdiyi yük maşını qarşı tərəfdən gələn Tekin Çobanın idarə etdiyi avtomobillə toqquşub. Qəzada avtomobil sürücüsü Tekin Çoban maşında sıxışıb, TIR sürücüsü və minik avtomobilində olan 5 nəfər yaralanıb.
Yük maşınının sürücüsü və digər yaralılar təcili yardımla ətrafdakı xəstəxanalara aparılıb. Xəstəxanaya aparılan yaralılardan birinin dünyasını dəyişdiyi bildirilib.