Yunan Həmkarlar İttifaqları Konfederasiyasının çağırışı ilə ölkə daxilində işçilər iqtisadi şəraitin yaxşılaşdırılması tələbi ilə 24 saatlıq tətilə başlayıblar.
Yunanıstanda işçilərin tətili davam edir…
Bugun.tv xəbər verir ki, Yunanıstan Həmkarlar İttifaqları Konfederasiyası açıqlamasında, artan yaşayış dəyərinə diqqət çəkərək, işçilərin maaşlarının artırılmasını və iqtisadi böhran zamanı ləğv edilən kollektiv müqavilələrin yenilənməsini tələb edib.
Tətil çərçivəsində işçilər paytaxt Afinada aksiya təşkil ediblər. Nümayişdə əmək haqqının artırılması, kollektiv müqavilə imzalanması kimi tələblərini dilə gətirən işçilər Parlament binasına doğru yürüş ediblər.