Bugun.tv xəbər verir ki, Yunanıstana təsir edən pis hava şəraitinin sabah axşama qədər davam edəcəyi bildirilib.
İqlim Böhranı və Mülki Müdafiə naziri Vasilis Kikilias ölkədə iki gündür davam edən yağışın şiddət və müddət baxımından görünməmiş çətinliklərə səbəb olduğunu bildirib.
Volos limanının təhlükəsizlik səbəbiylə bağlandığını qeyd edən Kikilias, Silahlı Qüvvələrin Cənubi Pilioda sel nəticəsində dağılan Kala Nera körpüsünü təmir edəcəyini bildirib. “Pis hava şəraiti çox güman ki, Attiki bölgəsinə də (paytaxt Afina daxil olmaqla) qismən təsir göstərəcək”, – o, əlavə edib.
Mütəxəssislər Trikala, Kardiça, Larisa və Magnisia üçün xəbərdarlıq yayıb.
Afina və ətraflarında gün ərzində vaxtaşırı leysan yağışlar yağıb, yağış səbəbindən nəqliyyatın hərəkəti dayandırılıb.