“Yuventus”un yarımmüdafiəçisi Adrien Rabiotun “Mançester Yunayted”ə transferi baş tutmayıb. Buna səbəb futbolçunun agenti olan anasının maddi istəkləridir. Bugun.tv xəbər verir ki, bu barədə “La Gazzetta dello Sport” məlumat yayıb.
Mənbənin bildirdiyinə görə, Rabiotun anası oğlu üçün mövsüm başına 10 milyon avro maaşla üç illik müqavilə, həmçinin 10 milyon avroluq imza bonusu istəyib. “Mançester Yunayted” bu şərtlərlə razılaşmadığı üçün Rabiot 2019-cu ilin yayından çıxış etdiyi “Yuventus”la müqaviləni uzadıb.
Qeyd edək ki, Rabiot ötən mövsüm 48 oyuna çıxıb, 11 qol vurub və 6 məhsuldar ötürmə edib.