Bugun.tv– xəbər verir ki, Milli Məclisin deputatı Ceyhun Məmmədov öz sosial media hesabında paylaşımında Qaçqınların və Məcburi Köçkünlərin İşləri üzrə Dövlət Komitəsinin təşkilatçılığı ilə keçirilmiş “Zəfərin 5-ci ili: Böyük Qayıdışın addımları” adlı fotomüsabiqənin nəticələrinə həsr olunmuş tədbirdə iştirak etdiyini bildirib.
O qeyd edib ki, Böyük Qayıdış və Qarabağ həqiqətlərinin sənət dili ilə ifadəsi məqsədilə təşkil olunan bu müsabiqə iştirakçıların peşəkarlığını və vətənpərvərliyini əks etdirir.
“Münsiflər heyəti tərəfindən 40-dan çox iştirakçının təqdim etdiyi fotolar arasından texniki və mövzu uyğunluğuna görə 44 foto seçildi. Onlardan 3-ü qalib elan edildi, 20 nəfər həvəsləndirici mükafat, digər iştirakçılar isə təşəkkürnamələrlə təltif olundu.
Bütün iştirakçıları təbrik edir, bu müsabiqədə Qarabağ həqiqətlərinin işıqlandırılmasına töhfə verdikləri üçün təşəkkürümü bildirirəm.
Fotoqrafiya bir sənət olmaqla yanaşı, həm də tarix yazan güclü bir vasitədir. Gənclərimizin bu istiqamətdəki fəallığı bizi sevindirir və qürurlandırır.
Bu layihənin həyata keçirilməsində əməyi keçən hər kəsə təşəkkür edir, gələcəkdə də bu cür təşəbbüslərin davamlı olmasını arzulayıram” deyə deputat vurğulayıb.
