“Qərbin qeyri-qanuni birtərəfli anti-Rusiya sanksiyalarına qoşulan İsveçrə artıq neytral dövlət deyil. Ukrayna böhranının həlli kontekstində, o cümlədən onun yerinin təmin edilməsində heç bir vasitəçi roluna iddia edə bilməz”.
Bugun.tv xəbər verir ki, bu sözləri Rusiya Xarici İşlər Nazirliyinin sözçüsü Mariya Zaxarova deyib.
Xatırladaq ki, İqnazio Kassis daha əvvəl bildirmişdi ki, İsveçrə istənilən vaxt Ukraynada sülh yolu ilə nizamlanmanı müzakirə etmək üçün tərəflər arasında görüş təşkil etməyə hazırdır.
Rusiya Xarici İşlər Nazirliyi İsveçrə rəsmisinin bəyanatları ilə bağlı medianın sualına cavab verib.
Zaxarovanın da bildirdiyi kimi, Zelenski qanunvericiliklə Rusiya ilə danışıqları qadağan edib.
Kassis daha əvvəl Cenevrədə Ukraynadakı vəziyyətlə bağlı danışıqların aparıldığını da vurğulayıb. O, bildirib ki, şəhər danışıqlara maksimum ehtiyatlılıq şəraitində ev sahibliyi edir. Baxmayaraq ki, danışıqlar hazırda ən yüksək səviyyədə deyil. İsveçrə rəsmisi başqa təfərrüatları açıqlamayıb.
Mənbə: TASS