“Polşanın tikinti şirkətinin Ukraynanın qərbində hərbi təlim mərkəzi inşaa etməsi, Varşavanı münaqişəyə cəlb edəcək”.
Bugun.tv xəbər verir ki, bunu Rusiya Xarici İşlər Nazirliyinin sözçüsü Mariya Zaxarova brifinqdə bildirib.
“Volın vilayətində 600 ukraynalı hərbçi üçün döyüş hazırlığı mərkəzi tikilir. Polşanın Ukrayna münaqişəsinə birbaşa müdaxiləsi faktı Varşavada heç kimi narahat etmir”,-Zaxarova vurğulayıb.
O, bununla Polşanın “Lubawa S.A” şirkəti haqqında mətbuatda yayılan məlumatlara diqqət çəkib.
Zaxarova Ukraynadakı hərbi obyektlərin Rusiya Silahlı Qüvvələrinin qanuni hədəfi olduğuna işarə edib.