Bugun.tv xəbər verir ki, Ukrayna prezidenti Volodimir Zelenski Associated Press (AP) xəbər agentliyinə danışıb. Çin prezidenti Si Cinpini Kiyevə dəvət edən Zelenski, Rusiya-Ukrayna müharibəsi başlamazdan əvvəl Si ilə söhbətlər apardıqlarını bildirib.
“Cinpini burada görməyə hazırıq, onunla söhbət etmək istəyirəm. Mən onunla müharibədən əvvəl danışmışam. Lakin bir ildən çoxdur ki, əlaqə saxlamırıq”.
Ukrayna Prezident Aparatının müşaviri Mixail Podolyak Ukrayna və Çin liderləri arasında görüşün keçirilməsi üçün iş aparıldığını bildirib. Lakin yekun nəticənin hələ əldə olunmadığını qeyd edib.
Xatırladaq ki, Cinpin Rusiya prezidenti Vladimir Putinin dəvəti ilə martın 20-22-də Rusiyaya gedib və Putini Çinə dəvət edib.
Mənbə: NTV