Ukrayna Prezidenti Volodymyr Zelenski Rusiya ordusunun ölkə daxilində 48 raket və yüzlərlə dron istifadə edərək həyata keçirdiyi genişmiqyaslı hücumda ən azı doqquz nəfərin öldüyünü və onlarla insanın yaralandığını açıqlayıb.
Zelenski Rusiya ordusunun ölkəsinə qarşı həyata keçirdiyi intensiv hava hücumları ilə bağlı sosial mediada açıqlama yayıb.
Zelenski bildirib ki, hücumda ən azı doqquz nəfər ölüb, onlarla insan yaralanıb. Bu hücuma ballistik və kruiz raketləri də daxil olmaqla 48 raket və 470-dən çox pilotsuz uçuş aparatı (PUA) cəlb olunub.
Zelenski bildirib ki, hücumlar ölkə daxilində çoxsaylı bölgələri hədəf alıb və Xarkov, Lvov, Donetsk və İvano-Frankivsk vilayətlərində enerji, nəqliyyat və mülki infrastruktur ciddi şəkildə zərər görüb.
O, həmçinin Kiyev, Nikolayev, Çerkasy, Çerniqov və Dnepropetrovsk vilayətlərinin də hədəfə alındığını qeyd edib.
Sosial mediada paylaşılan görüntülərdə axtarış-xilasetmə qruplarının Lvov da daxil olmaqla müxtəlif bölgələrdə işlərini davam etdirdiyi və hücumdan tüstü qalxdığı qeydə alınıb.
Mənbə: İlkha