“Biz bu həftə tərəfdaşlarımızdan güclü siqnallar aldıq. Rusiyanın Ukraynaya və onun xalqına qarşı təcavüzə, terrora görə məsuliyyət daşımasının qaçılmazlığı ilə bağlı konkret razılaşmalar əldə etdik.
Rusiyanın Xarkov şəhərinə, Sumı və Donetsk vilayətinə, Xmelnitskiyə, Nikopola, dövlətimizin hər bir guşəsinə hücumunun terror dövləti üçün konkret hüquqi nəticələri olacaq”.
Bugun.tv xəbər verir ki, bu sözləri Ukrayna Prezidenti Volodimir Zelenski öz Facebook səhifəsində qeyd edib.
“Ənənəvi olaraq, hazırda döyüş meydanında dövləti müdafiə edənlərin hamısına təşəkkür etmək istəyirəm. Donetsk vilayətini müdafiə edən hər kəsi xüsusilə qeyd etmək istəyirəm. Orada ən amansız və prinsipial döyüşlər gedir. Qarşıdurma, hansı ki, yaxın gələcəyə hazırladığımız çox şeydən asılıdır. 79-cu Əlahiddə Hücum Briqadasının paraşütçülərinə, 35-ci Əlahiddə Dəniz Briqadasının dəniz piyadalarına, 72-ci Əlahiddə Mexanikləşdirilmiş Briqadanın piyadalarına, 55-ci Əlahiddə və 27-ci Raket Artilleriya Briqadalarının əsgərlərinə təşəkkür edirəm. Qoşunlarımızın maddi-texniki təchizatını səmərəli və vaxtında təmin edən hər kəsə və Ukrayna Silahlı Qüvvələrinin bütün Dəstək Qüvvələrinə, Ukraynanın sabitliyi və mövqelərimiz qeyd-şərtsiz şəxsi, rəsmi və peşəkar prioritet olan hər kəsə minnətdaram.
Bu müharibədə həyatını itirənlərin hamısının xatirəsini dərin ehtiramla yad edirəm.
Ukraynaya eşq olsun!”, – deyə Zelenski qeyd edib.