“Ukrayna silahlı qüvvələri artilleriya, sursat, döyüş təyyarələri və tank çatışmazlığından əziyyət çəkir. Qərb bizə silah tədarükünü sürətləndirməlidir”.
Bugun.tv TASS-a istinadən xəbər verir ki, bunu Lvovda latviyalı həmkarı Egils Levits ilə birgə mətbuat konfransında Volodimir Zelenski bildirib.
O, iddia edib ki, Ukraynaya artilleriya Rusiya ərazisini vurmaq üçün deyil. Kiyevin hələ də özününkü hesab etdiyi rayonları geri almaq üçün lazımdır. Bundan əlavə, Zelenski döyüş təyyarələrinin qıtlığını vurğulayıb.
“Bizə sadəcə olaraq hərbçilərimizi öyrətmək və təyyarələri təhvil vermək lazımdır, boş danışıqlar yox. İnanıram ki, nə olursa olsun, biz tank ordusu əldə edəcəyik. Silahlı qüvvələrimizə artıq hazırlıq gedir. Bu, tezliklə baş verəcək. Sadəcə müəyyən çatışmazlıq var”.
Müxbirin Kiyevə silah göndərilməsinin necə sürətləndirilə biləcəyi ilə bağlı sualını cavablandıran Zelenski qeyd edib ki, bu barədə ictimai şəkildə danışmaq lazımdır.
“Ukraynaya kömək edən ölkələr müxtəlif növ silahların daşınmasına açıq şəkildə dəstək verə bilərlər. Bizdə hansı silahlara malik olduğumuza dair daha heç bir sirr yoxdur” dedi.
Sualı verən müxbir Artyomovskda (Baxmut) ukraynalı hərbçilərlə danışdığını açıqlayıb. Müxbirin sözlərinə görə, hərbçilər ona silah, sursat, döyüş təyyarələri və helikopter azlığından danışıblar.