Bugun.tv xəbər verir ki, ABŞ-da ən yaxşı geyimli it müsabiqəsi keçirilib. “Ayı” adlı itin kral, “Bitsy” adlı itin isə kraliça seçildiyi müsabiqədə rəngli görüntülər ortaya çıxıb.
ABŞ-ın Kaliforniya ştatında itlər rəngli geyimlərdə səhnəyə çıxıblar. Heyvanlar ən yaxşı geyinən it adı uğrunda bir-biri ilə yarışırdılar. San Dieqoda keçirilən yarışa maraq kifayət qədər güclü olub.
Müsabiqədə Qızıl tacı olan “Ayı” adlı Yorkshire Terrier iti kral seçildi. Yarışmaya kiçik avtomobili ilə qatılan “Bitsy” adlı başqa bir Yorkshire Terrier kraliça elan edilib. Digər tərəfdən, bu il 9-cu dəfə keçirilən yarışdan əldə olunan gəlir də baxımsız qalan itlərin baxımına sərf olunacaq.
Müsabiqədə ən yaxşı kostyumlu pişiklər kateqoriyası da var.
