Türkiyə prezidenti Rəcəb Tayyib Ərdoğan prezident seçkilərinin ikinci turunda seçici fəallığının rekord həddə çatacağına ümid etdiyini bildirib.
Bugun.tv xəbər verir ki, bu barədə TASS-ın müxbiri məlumat yayıb.
“Türkiyə demokratiyası tarixində ilk dəfə olaraq iki turda prezident seçkiləri keçirilir. Xalqımızın qərar verməsi üçün cəmi iki namizəd qalıb. Türkiyə dünya tarixində ilk dəfə birinci turda 90% seçici fəallığı göstərdi. Ümid edirəm ki, bu gün gün vətəndaşların aktivliyi rekord səviyyədə olacaq”,- Ərdoğan söyləyib.
O, seçkilərin Türkiyəyə və millətinə fayda verəcəyinə ümid etdiyini də bildirib.
Qeyd edək ki, Ərdoğan özü İstanbulun Üsküdar rayonunda səs verib.