“Deyirlər sevgi nədir? Doğmalıqdır. O nə əziyyət çəkirsə, sən də onunla bərabər çəkməlisən. Gərək sevgi sevgini tamamlasın. O səni sevirsə, sən də onu nəyəsə görə yox, onun özünə görə sevməlisən. O, sənin için olmalıdır”.
Bugun.tv xəbər verir ki, bu fikirləri Xalq artisti Ofeliya Sənani müsahibəsində bildirib. O, insanları sevdiy şəxsi nəyəsə görə yox, onun özünə görə sevməyə çağırıb. Əsl sevgini oyuncaq edənlərə qarşı səslənib.
“Sevdiyin insana bütün məhəbbətinlə yanaşmalısan. O, ağrıyırsa, sən də ağrımalısan. O, xəstələnirsə sən də onunla birlikdə xəstələnməlisən. Validin ağır vaxtlarında, axıra yaxın mən onun yanından çəkilmirdim. O, deyirdi, “Ofa, yoruldun bir yerdə oturmaqdan”. Deyirdim, “yox, yorulmuram. Sən nəfəs alırsan, məndə sənə qulaq asıram. Görüm, nəfəsin necə gəlir”, – deyə O.Sənani keçmiş günlərini xatırlayıb.
Tanınmış teleaparıcı öz həyat yoldaşı ilə olan təmiz sevgisindən danışaraq gənclərə örnək olan tövsiyələr verib.
Müxbir: İntizar Əmirova