Tanınmış televiziyaçı, Əməkdar jurnalist Telli Pənahqızının facebook hesabı oğurlanıb.
Bu barədə Bugun.tv-yə o özü məlumat verib. T.Pənahqızının sözlərinə görə, hesabı oğurlandıqdan sonra onun messenger bölümündən dostlarına müxtəlif məzmunlu mesajlar göndərilib.
Belə sms-lərdən biri də Əməkdar jurnalist Elnarə Dərziyevaya gəlib. O, bildirib ki, həmin şəxs T.Pənahqızının adından yazaraq, facebook hesabına məhdudiyyət qoyulduğunu, proqrama daxil ola bilmədiyini və kömək istədiyini deyib. 
“Əvvəlcə mənə yazan şəxsin tanınmış aparıcımız olduğuna inandım. Öncə hal-əhval tutdu. Sonra vəziyyəti anlatdı. Dostlardan kömək istədiyini bildirdi. Mənim e-mail ünvanıma sms gələcəyini və həmin mesajdakı kodu ona deməyimi xahiş etdi. Bax, bu məndə şübhə oyatdı”.