Türkiyə Rusiya və Ukrayna arasında danışıqları mümkün qədər tez təşkil etmək istəyir.
Bugun.tv xəbər verir ki, bu barədə Türkiyə prezidenti Rəcəb Tayyib Ərdoğan macar həmkarı Katalin Novak ilə söhbəti zamanı deyib.
“Biz Ukrayna ilə Rusiya arasında danışıqlar masası arxasında sülhün bərqərar olmasını istəyirik. Ankara Rusiya və Ukrayna nümayəndə heyətləri arasında İstanbulda keçirilən görüşləri bərpa etmək istəyir”,- Ərdoğan söyləyib.
“Rusiya hər zaman məsələləri danışıqlar masası arxasında həll etməyə hazır olub. Lakin Ukrayna qanunları ölkə prezidentinin Kremllə dialoqda iştirakını qadağan edir. Qərb ölkələri Kiyevə hər hansı çevikliyə imkan vermək istəmir. Bu kontekstdə Ukrayna ilə danışıqlar üçün heç bir perspektiv yoxdur”.
Xatırladaq ki, bunu Kremlin sözçüsü Dmitri Peskov yanvarın 11-də jurnalistlərə bildirib.
Mənbə:TASS