İranda ölkənin keçmiş ali rəhbəri Əli Xameneinin vida mərasimi çərçivəsində dünyanın müxtəlif ölkələrindən yüksək səviyyəli nümayəndə heyətləri Tehrana gəlib.
Bugun.tv xəbər verir ki, bu barədə AP məlumat yayıb.
Məlumata görə, dövlət mərasiminə 100-dən çox ölkədən prezidentlər, parlament sədrləri, xarici işlər nazirləri, hökumət nümayəndələri və digər rəsmi şəxslər qatılıblar.
Vida mərasimi Tehrandakı İmam Xomeyni Musəlla kompleksində keçirilir. Mərasimdə İranın ali dövlət rəhbərliyi, hərbi və dini xadimlər, eləcə də minlərlə vətəndaş iştirak edir.
İran rəsmiləri mərasimin ölkənin tarixində ən geniş beynəlxalq iştirakın qeydə alındığı dövlət tədbirlərindən biri olduğunu bildiriblər.
Vida mərasiminin bir neçə gün davam edəcəyi, daha sonra isə anım tədbirlərinin İranın digər şəhərlərində keçiriləcəyi gözlənilir.
Mənbə: ApNews