Yaponiyanın Onaqava Atom Elektrik Stansiyasının 13 ildən artıqdır ki, offline olan nüvə reaktoru yenidən işə salındıqdan 6 gün sonra avadanlıqlarda yaranan problemlər səbəbindən yenidən bağlanıb.
Kyodo News xəbər verir ki, bu barədə Onaqava Atom Elektrik Stansiyasını idarə edən Tohoku Electric Power şirkəti açıqlama verib.
Açıqlamada 13 ildən artıq offline olan və oktyabrın 29-da istifadəyə verilən 2 nömrəli reaktorda neytron məlumatları ilə bağlı cihazda nasazlıq olduğu açıqlanıb.
Açıqlamada reaktorun nasazlıq səbəbindən işə başladıqdan 6 gün sonra yenidən sıradan çıxarıldığı, reaktorun ətraf mühitə radiasiya yaymadığı bildirilib.
Açıqlamada reaktorun sakinlərin təhlükəsizliyi üçün sıradan çıxarıldığı və avadanlıqların yenidən yoxlanılacağı qeyd edilsə də, reaktorun nə vaxt işə salınacağı ilə bağlı ətraflı məlumat verilməyib.
Onaqava Atom Elektrik Stansiyasının 2 nömrəli yenidən işə salınmış reaktorunun noyabrda elektrik enerjisi istehsal etməyə başlaması gözlənilirdi.
2011-ci il martın 11-də Yaponiyada baş verən 9 bal gücündə zəlzələ və sonrakı sunami Fukusima Dai-içi Atom Elektrik Stansiyasında radioaktiv sızmaya səbəb olub. Sızıntıdan sonra bölgədə yaşayan on minlərlə insan evlərini tərk etməli olub.
Fukuşima Dai-i Atom Elektrik Stansiyasının şimalında yerləşən Onaqava Atom Elektrik Stansiyası da təhlükəsizlik səbəbi ilə bağlanıb.
Mənbə: TrtHaber