Şəhidlər xiyabanında 20 Yanvar faciəsinin 33-cü ildönümü ilə bağlı hazırlıq işləri gedir.
Paytaxt İcra Hakimiyyətinin (RİH) mətbuat xidmətindən verilən məlumata görə, xiyabanın ərazisində mütəxəssislərin və landşaft dizaynerlərinin iştirakı ilə ənənəvi olaraq xüsusi qərənfil kompozisiyaları hazırlanır.
IV strukturlar tərəfindən təmizlik və abadlıq, ağaclara qulluq üzrə genişmiqyaslı tədbirlər həyata keçirilib, bundan əlavə qazon yenilənib, yeni güllər əkilib, işıq dirəkləri rənglənib, səkilər və bütün ərazi yuyulub və s.
Qeyd edilib ki, hazırlıq işləri yanvarın 19-dək başa çatacaq.