Bugun.tv xəbər verir ki, elektrikli avtomobillərin qiyməti 3 il ərzində enəcək. Mütəxəssislər bildirib ki, yeni istehsal texnologiyaları və aşağı akkumulyator xərcləri sayəsində 2027-ci ilə qədər elektrik avtomobilləri daxili yanma ilə işləyən avtomobillərdən daha ucuz olacaq. Artıq xeyli sayda qaynaq və yapışdırıcı vasitələrdən istifadə etməyə gərək qalmayacaq. Avtomobilin böyük hissələrinin bir yerdə istehsal olunduğu “giqacasting” kimi yeniliklər istehsal xərclərini azaldacaq.
Qeyd edək ki, innovasiya lideri kimi göstərilən Tesla da, məhz “giqacasting” sayəsində dünyada birincidir. Hazırda ABŞ və Avropa da daxil olmaqla bir sıra əsas bazarlarda elektromobillərin qəbulu sürəti azalıb. Ekspertlər deyirlər ki, avtomobil istehsalçıları üçün daha ucuz modelləri təqdim etmək vacibdir.
Mütəxəssilərin fikrincə, 2030-cu ilə qədər satılan bütün avtomobillərin yarısı tam elektrikli olacaq.