Bugun.tv xəbər verir ki, beyinlə əlaqəli xəstəliklərdən qorunma və beyin sağlığının önəminə diqqət çəkmək məqsədi ilə Dünya Nevroloqları Federasiyası 22 iyul tarixini Dünya Beyin günü kimi qeyd edir.
“Dünya Beyin günü”ndə Azərbaycanda ilk və yeganə beyin əsaslı təlim mərkəzi Yaddaş Fərdi İnkişaf mərkəzinin təşkilatçılığı ilə “Xoşbəxt beyin” seminarı keçirilib. Seminarda fərdi inkişaf, yaddaş və öyrənmə problemləri üzrə mütəxəssis Aytəkin Aslan, RMG CEO Phd.MD. Ariz Cəbrayılov, Psixoloq və Ailə məsləhətçisi Ülkər Məhərrəmova çıxış ediblər. Üç mütəxəssis üç fərqli baxış bucağı ilə üç mövzuda – ailədə, şəxsi inkişafda, karyerada xoşbəxtlik ilə bağlı məlumatlarını bölüşüblər. Uzunmüddətli xoşbəxt ailə, uğurlu karyera və fərdi inkişafla bağlı nə edə bilərəm sualına hər kəs seminarda cavab tapıb.
“Xoşbəxtliyi xarici dünya deyil, daxili dünyanız müəyyən edir. Bu, beyninizin dünyanı necə qəbul etdiyi ilə bağlıdır. Hər zaman xoşbəxt olmaq mümkün olmasa da, xoşbəxt olmağa çalışmaq, duyğularını, düşüncələrini yönləndirmək mümkündür. Xoşbəxtlik bir seçimdir. Ağıllı seçimlər və zamanında verilmiş doğru qərarlarla öz xoşbəxtliyinizi qura bilərsiniz. Amma öz yolunuzdan gedərək, başqalarını təqlid edərək deyil”, – mütəxəssis A.Aslan bildirib. O, xoşbəxtliyin sirrini bölüşüb:
“1.Səmimi ortamlar yarada bilmək
2.Ruhunuzun rahat hiss etməsi
3.Bütün sizi üzən və əsəbləşdirən ortam və hadisələrdən uzaq durmağı bacarmaq
4.Keçmişi keçmişdə qoymaq,gələcək üçün narahat olmamaq,indi və bu anda yaşadığınız hər şeydən məmnun olmaq,xoşbəxtliyinizi hiss etməyi bacarmaq.
Xoşbəxtlik insanın daxilində əldə edilən daxili rahatlıq,daxili tarazlıqdır.
Sahib olduqları ilə kifayətlənməyi bacaranlar əsl xoşbəxt biriləridi.
Bədənimizdəki hər bir orqanın, hər toxumanın, hər hüceyrənin sağlamlığı çox vacibdir. Ancaq beyin sağlamlığı yaxşı deyilsə,bunların heç birinin mənası yoxdur.Beyninizi qoruyun, o sizin ömrünüzün sonuna qədər çiyin-çiyinə addımlayacağınız ən vacib yoldaşınızdır”, – Yaddaş Fərdi İnkişaf mərkəzinin rəhbəri qeyd edib.